По обвинувањата за злоупотреба, Елен Деџенерис целосно го смени изгледот

Елен Деџенерис започна да ја емитува новата, 18-та сезона на своето ток-шоу по серија обвинувања за токсична работна средина на снимањето, со која се соочуваше во последните месеци.

Овој пат таа се појави пред камерите во малку поинакво издание. Наместо нејзината препознатлива пикси фризура, таа се појави со поинаква, која не помина незабележана од многу гледачи.

„Што се случи со нејзината коса?“, прашуваа корисниците на социјалните мрежи.

„Ми се допаѓа оваа промена“, пишуваа други.

Елен се одлучи за нов изглед во услови на пад на гледаноста во „The Ellen DeGeneres Show“, што се должи на скандалот што се појави во текот на летото, кога работниците ја обвинија за злоупотреба и нездрава работна атмосфера. Гледаноста и оцените на премиерната епизода од новата сезона паднаа за 38 проценти во споредба со минатата година.

Во премиерната епизода, Елен им се извини на своите гледачи.

“Ако ја гледате оваа емисија затоа што ме сакате, ви благодарам, и ако ја гледате затоа што не ме сакате, вие сте исто така добредојдени. Јас многу сериозно ги сфатив обвинувањата и сакам да им се извинам на сите кои беа погодени”, рече Елен, но нејзиното извинување не ги воодушеви гледачите, кои сметаа дека е неискрено.