Прикриен симптом на коронавирус се крие во…
Некои пациенти со Ковид 19 пријавиле необјаснето губење на слухот. Минатата недела, човек пријавил губење на слухот во комбинација со зуење во левото уво.
Тинитус е име за појава на необјаснети звуци, вклучувајќи ѕвонење, зуење, шушкање или пулсирање.
Научниците неодамна ги повикаа лекарите да внимаваат на знаци на зуење во ушите, бидејќи тоа може да биде недоволно дијагностициран симптом на корона вирусот.
„И покрај значајната литература за Ковид-19 и различните симптоми поврзани со вирусот, постои недостаток на информации поврзани помеѓу Ковид-19 и слухот“, велат истражувачите од Универзитетскиот колеџ во Лондон.
Во извештаите објавени во списанието „BMJ Case Report“, тие напишале дека губењето на слухот и тинитусот се симптоми што биле забележани кај многу пациенти кои страдале од Ковид 19 и сезонскиот грип.
„Со оглед на широко распространетото присуство на вирусот кај популацијата и значително губење на слухот, важно е ова дополнително да се истражува“, додаваат научниците.
Сепак, само затоа што ви зујат ушите, не мора да значи дека имате корона вирус. Тинитус обично не е знак на нешто сериозно, и веќе постојат третмани за оваа состојба. Причината може да биде дијабетес, анксиозност, па дури и земање одредени видови лекови.
