Корона карта на Европа – само три региони се во зелена зона

Седумнаесет од 27-те земји на Европската унија, како и Велика Британија, се наоѓаат во црвената зона на новата европска мапа на ограничувања на движењето објавена од Европскиот центар за превенција и контрола на болести (ECDC).

На таа мапа, само три земји на Унијата (Норвешка, Финска и Грција) се зелени, додека пет земји (Италија, Кипар, Естонија, Литванија и Летонија) се означени со портокалова боја.

Пет земји (Германија, Австрија, Шведска, Данска и Исланд) не се обележани со боја поради недоволни податоци за тестирањата.

Според препораките, спротивно на оние кои доаѓаат од зелената зона, патниците од портокаловата и црвената (или сивата) зона можат да бидат предмет на одредени ограничувања, пренесува Дневни аваз.

Вкупно 16 земји на Европската унија, вклучувајќи ги Франција, Шпанија, Полска или Велика Британија, се обележани со црвена боја.

За да може еден регион да се класифицира во зелена боја, мора да има помалку од 25 нови случаи на 100.000 жители во последните две недели и помалку од 4 проценти од позитивно тестираните. Регионот е во минус кога бројот на нови случаи во последните две недели е поголем од 50 и кога процентот на позитивни е поголем од 4 проценти, или кога критериумот за нови случаи надминува 150.

Постојат два случаи во портокалова категорија, региони со помалку од 50 случаи на 100.000 жители, но процентот на позитивни е поголем од четири проценти, или има помеѓу 25 и 150 случаи на 100.000 жители, но процентот на позитивно тестирани е помал од четири проценти.