Зборувате САМИ СО СЕБЕ, тоа не е знак на „лудило“, туку МОТИВАЦИЈА

Ако понекогаш зборувате сами со себе, не грижете се, тоа не е знак на лудило, туку на здрав разум, тврдат британските психолози.

Не е невообичаено да се разбудите мрзливи наутро и да си кажете гласно: „Ајде, стани и спреми се за работа“, особено ако постои добра причина поради која сте лошо расположени.

Имено, повеќето луѓе ги води внатрешен глас кој е во нивната глава скоро цело време, но повремено го кажуваат тоа, без да бидат свесни. Постојат неколку научни објаснувања за ова, а во книгата My stroke of insight како главна причина зошто зборуваме сами со себе е наведено дека тоа не е знак на лудило, туку начин на кој му даваме команди на мозокот.

Психолозите наведуваат дека тоа е говор што автоматски го користиме од раното детство. Децата често инстинктивно зборуваат сами со себе, што е еден од начините на кои учат. Сепак, родителите ги замолчуваат своите деца и им велат да не зборуваат сами со себе, токму поради раширеното верување дека станува збор за некакво нарушување.

Но, психолозите го тврдат спротивното – ако имате нешто да кажете, кажете го тоа гласно, бидејќи молчењето е грешка.