Во Меѓународната вселенска станица откажал системот за кислород
Системот за производство на кислород во рускиот дел на Меѓународната вселенска станица откажал, соопштуваат од НАСА.
Руски космонаут пријавил дефект на експерт во Центарот за контрола на мисијата во Подмосковје. Станува збор за системот „Elektron VM“ инсталиран во модулот „Zvezda“.
Дефекти се случуваат и во таков случај станицата има залихи со кислород.
Американскиот сегмент на Меѓународната вселенска станица има свој систем за производство на кислород.
На станицата, во моментов работат руските космонаути Анатолиј Иванишин, Иван Вагнер, Сергеј Рижиков и Сергеј Куд-Сверчков, како и астронаутите на НАСА Кристофер Кесиди и Кетлин Рубинс.
