Објавени фотографии од Роналдо во изолација

Кристијано Роналдо е заразен со коронавирус, објави вчера Фудбалскиот сојуз на Португалија. Затоа еден од најдобрите светски фудбалери го пропушта денешниот натпревар на Португалија против Шведска во Лигата на нации и три натпревари на Јувентус.

Роналдо беше изолиран во тренинг кампот на репрезентацијата на Португалија откако дозна дека има коронавирус. Додека неговите соиграчи тренираа за натпреварот со Шведска, насмеаниот Роналдо ги поздрави собраните од балконот.

Досега нема симптоми на коронавирус, а остатокот од португалската репрезентација е негативен.