КАВГИ, тешки зборови и многу нервоза: Поради ретрограден Меркур од денес, ВНИМАВАЈТЕ ШТО ЗБОРУВАТЕ

Ретроградниот Меркур ни порачува од денес да не водиме преговори, да не потпишуваме ништо, да не патуваме, да внимаваме што зборуваме…

Меркур денес го започнува својот ретрограден курс, кој завршува на 4 ноември. Во овој период, треба да се очекува слаба комуникација, нервоза, вознемиреност, одложување и – расипување на работите.

Сепак, и ретроградниот Меркур има добра страна, така што многумина ќе бидат водени од интуиција, обидувајќи се да направат нешто ново, оригинално и алтернативно. Ќе има и средби со луѓе од минатото, нема да има многу дружења, но ќе биде многу интересно.

Сепак, ретроградното движење на Меркур треба да се гледа во светлината на целосниот тек на оваа планета. До денес, 14 октомври, Меркур се движеше директно, и така ќе продолжи и по 4 ноември. 

На ретроградниот пат најважни се аспектите што тој ги прави, а првиот е спротивставувањето со Уран во Бик. Меркур спроти Уран секогаш предизвикува неочекувани и шокантни настани. Периодот ќе биде полн со кавги, конфликти, неразбрани зборови и шеги. Луѓето ќе се предомислуваат, ќе преминуваат на другата страна. 

До 23 октомври сите ќе се чувствуваат напнато и нервозно. Ретко кој ќе биде насочен кон работата, а неочекуваните лоши вести ќе придонесат за тоа. Ќе биде многу тешко да се одржи менталниот мир и секој поединец, чија работа бара трпеливост, ќе има проблем. Единствените што добро ќе се снајдат се научниците! Поточно, овој период е добар само за дружење и откривање нови работи!

Значи, доколку дојде до откажување на вашите планови – искористете го времето за дружење.
Во исто време, ова е период на интересни средби, неочекувано враќање на луѓето од минатото, но, исто така, ќе се вратат и старите проблеми што ги туркавте под тепих.