Рибата е повкусна со Битлси, а кафето повеќе “оди” со Павароти

Музиката влијае на вкусот на храната и од некои намирници го “извлекува” најдоброто, потврди студијата на научниците од Универзитетот Оксфорд. Звуците на Битлси го подобруваат вкусот на риба и помфритот, а со изведбата на Лучијано Павароти, кафето и чоколадниот мус се повкусни.

Сличен ефект има и Били Холидеј на пудингот од тиква, додека звуците на шпанската музика придружени со виртуозната игра на Лионел Меси ги вадат најдобрите цитрусни ноти од десертот, судејќи според еден ресторан во Ѓирона, Шпанија.

Покрај храната, музиката позитивно влијае и кога уживаме во виното. Особено композициите на Моцарт.

– Музиката не може да создаде вкусови во нашата уста, но може да засили одредени ноти, изјави водачот на истражувањето, професорот Чарлс Спенс.

Луѓето високите тонови ги поврзуваат со киселост, „богатите“ тонови со слатките, а длабоките со горчливите.

Извор: 24 sata.hr