The Sun: 5 клубови заинтересирани за “отпишаниот” фудбалер на Барселона

Манчестер Јунајтед, Лион, Арсенал, Рен и Интер се клубовите кои работат на доведување на Самјуел Умтити од Барселона како засилување за стоперската позиција, пишува The Sun.

Од Барселона веќе си заминаа Артуро Видал, Иван Ракитиќ, Нелсон Семедо и Луис Суарез, а сега тоа може да го направи и  Умтити. Негoвата отштета се уште не е позната.

Умтити минатата сезона имаше само 18 настапи во сите натпреварувања поради честите проблеми со повредите. Овој факт веројатно го отежнува планот на Барселона да го продаде Французинот.

Тој пристигна во клубот летото 2016 година од Лион за 25 милиони евра. Оттогаш тој со Барселона освои две титули во Шпанија и два Купа на Шпанија.
Во дресот на Франција го освои европското сребро во 2016 година и златото на Светското првенство во 2018 година.

Извор: index.hr