Овие холивудски sвезди воопшто не се заинтересирани за технологијата
Повеќето холивудски sвезди редовно ги користат социјалните мрежи и објавуваат разни фотографии. Но, постои и друга страна на Холивуд – sвезди кои, како што велат, не сакаат да бидат дел од онлајн циркусот.
Некои од нив воопшто не ја прифаќаат технологијата и новите трендови. Кристофер Вокен, на пример, неодамна изјави дека никогаш не го „изгуглал“ своето име. Но, тој не е единствениот. Ова се познатите sвезди кои технологијата воопшто не ги интересира.
Кристофер Вокен
Овој актер вели дека воопшто не му треба компјутер, а пребарувањето на интернет е непознат поим за него. Не користи паметен телефон, но за време на снимањата на филмови мора да биде достапен, па продуцентите му даваат телефон кој го враќа по завршување на снимањето.
Винона Рајдер
Актерката призна дека нема компјутер и ги проверува мејловите на нејзиниот телефон. Во едно интервју, таа изјави дека не чита портали и дека интернетот воопшто не и недостасува.
Анџелина Џоли
Актерката која се прослави за улогата на хакер во истоимениот филм всушност нема поим од технологија. Таа изјави дека не знае како да го вклучи компјутерот, а прелистувањето каталози за неа е многу позабавно од купувањето преку интернет.
Бред Пит
Поранешниот сопруг на Анџелина не е ништо подобро. Тој не ги користи социјалните мрежи затоа што, како што вели тој, не сака да биде дел од лажниот онлајн свет.
Џорџ Клуни
Клуни е жесток противник на Фејсбук и Твитер. Неговата изјава е добро позната дека тој „попрво би се подложил на ректален преглед во живо на телевизија отколку да отвори профил на Фејсбук“.
Рејчел Мекадамс
Актерката изјави дека нема ТВ, а вести слуша на радио. Компјутер и интернет не користи.
Еминем
Раперот смета дека социјалните мрежи се губење време кое може да се искористи во нешто продуктивно.
Шејлин Вудли
Актерката тврди дека не користи мобилен телефон, ниту пак интернет бидејќи така се чувствува послободно.
