Најдобри песни за пеење додека возите
Пеењето зад воланот во автомобилот е една од работите која е заедничка кај сите. Анкетата на јавното мислење на 2.000 британски возачи за нивните омилени песни што треба да се пеат зад воланот, покажа дека број еден e „Bohemian Rhapsody“ на Queen.
Втора е „Dancing Queen“ на ABBA, а потоа следат „Livin’ on the Prayer“ на Bon Jovi, „I’m Gonna Be (500 miles)“ на Proclaimers и „Eye of the Tiger“ на Survivor, песната што го обележа третото продолжение на „Роки“.
Британците навистина уживаат во пеењето на „Walking on Sunshine“ од Katrine and the Waves, „Wake Me Up Before You Go Go“ на Wham, „Happy“ од Pharrella Williams, „Girls Just Wanna Have Fun“ од Cindy Lauper и „I Gotta Feeling“ на Black Eyed Peas.
Истражувањето откри дека сите песни од првите десет имаат пет заеднички нешта, што е веројатно причината зошто тие толку многу ги сакаат: јасна структура, ритам, хармонија, стихови и рефрен.
Ритамот на сите високо рангирани песни има своевиден „бит“ сличен на отчукувањето на срцето, сите хармонии се вртат околу три или четири главни акорди, структурата на песната е логична и може да се предвиди што следи.
Сите стихови се едноставни со пораки што сите ги разбираме, а рефрените се лесни за паметење.
Сепак, сообраќајните експерти имаат предупредување.
Музиката го ослободува хормонот на среќа допамин, но истовремено ја зголемува нашата расеаност, а може да предизвика и емоционална реакција.
„Иако музиката може да подигне нечие расположение, на начин што може да се спореди со ниско ниво на алкохол и дрога, истовремено може да ја намали концентрацијата зад воланот“, вели сообраќајниот психолог Томас Вагнер.
