„Надал има 99 победи и два пораза – тоа е феноменално“

Поранешниот тенисер, а денес аналитичар, Тим Хенман накратко го прокоментира пласманот на Рафаел Надал во финалето на Ролан Гарос.

Шпанецот во недела од 15 часот ќе се сретне со Новак Ѓоковиќ, и притоа ќе се обиде да стигне до 13-от трофеј во Париз.

Хенман потсетува на статистиката на вториот тенисер на АТП-листата на Ролан Гарос.

“Бројките на Рафаел Надал на Ролан Гарос се феноменални. Има 99 победи и два пораза. Неверојатно е како го одржува тоа ниво на форма, избегнува повреди и стигнува до 13-тото финале без да пропушти ниту еден сет”, изјави Хенман.

Со евентуалната титула, Надал би се изедначил со Роџер Федерер по бројот на најголеми титули.
Швајцарецот во моментов има 20, Надал 19, а Ѓоковиќ 17 титули.