Дали навистина постои љубов на прв поглед?

Често кога ќе се заљубиме велиме дека тоа беше на прв поглед.

Ново истражување ја проучувало оваа појава, со цел да открие дали станува збор за искрена емоција или само за физичка привлечност.

Многу луѓе стојат зад мислењето дека не постои љубов на прв поглед, иако неодамнешното истражување покажа дека во група од 5.000 мажи и жени кои немале партнер, 41% од мажите и 29% од жените не само што веруваат дека постои, туку и ја доживеале.

Нивното верување дека навистина доживеале љубов на прв поглед го поддржува лачењето на допамин што може да се појави при средба со личност за која сметаме дека е привлечна.

Допаминот е хормон кој предизвикува многу слична реакција кај мозокот како кога се консумираат опијати кои предизвикуваат зависност, па затоа може да се создаде чувство на зависност за тоа лице. Ова чувство може да се преведе како „класичен синдром на заљубеност“, а кога тоа ќе се случи неколку моменти по средбата со друга личност, луѓето честопати го класифицираат како љубов на прв поглед. Психолозите имаат друга теорија што може да го објасни овој феномен, а тоа е кога човек кого штотуку го запознавме несвесно ги исполнува критериумите што ги бараме кај потенцијалните партнери за многу краток временски период. Сите имаме критериуми од кои зависи дали ќе се заљубиме во некоја личност, но и самите не сме свесни за одредени критериуми.

Оваа теорија го поддржува заклучокот дека луѓето кои му даваат поголемо значење на физичкиот изглед на својот партнер имаат поголема веројатност да доживеат чувство на заљубување на прв поглед, што до одреден степен го докажува фактот дека љубовта на прв поглед е пред се силна физичка привлечност. Нема јасен и целосно точен одговор на ова прашање. Љубовта на прв поглед не е целосно измислен феномен затоа што постојат докази дека некое лице навистина може да почувствува силна емоција при првиот состанок со друга личност.

Човечките емоции се многу сложен и индивидуален концепт, па дури и експертите не можат да бидат убедени во точниот одговор на тоа прашање. Она за што експертите можат да се согласат е фактот дека чувството на заљубување на прв поглед може да биде одлична основа за развој на силна и стабилна романтична врска со партнерот, ако вашиот инстинкт не ве измами при средбата со таа личност.