Традицијата вели – Надал ќе го освои Ролан Гарос

Рафаел Надал е на чекор до финалето на Ролан Гарос. Шпанецот стигна до полуфиналето без да загуби сет. На последниот натпревар тој славеше победа над  Јаник Синер од Италија (7: 6, 6: 4, 6: 1).

Па така, „Бикот од Мајорка“ се пласираше во 13-тото полуфинале на Ролан Гарос, а во претходните 12 случаи, кога стигнуваше до полуфиналето, секојпат ја освојуваше титулата.

Надал против 19-годишниот Синер ја забележа 98-та победа на Ролан Гарос со само два загубени меча.

Исто така, Шпанецот стигна до 34-тото полуфинале на Грен слем турнирите, во кое пред него се само Новак Ѓоковиќ со 37 и Роџер Федерер со 46.

Надал во полуфиналето ќе игра против Аргентинецот Диего Шварцман.

Иако го совлада пред 18 дена во четвртфиналето на турнирот во Рим, Надал сепак води во меѓусебни дуели со 9-1.