Почина Eddie Van Halen

Музичарот Eddie Van Halen почина на 65-годишна возраст.

Легендарниот холандско-американски гитарист почина по долга борба со рак на грлото.

Странските медиуми пишуваат дека тој починал во болницата Сент Џон во Санта Моника. Во последните 72 часа, битката на Eddie со малигната болест се влошила. Лекарите откриле дека ракот на грлото ги зафатил мозокот и други органи. Van Halen одел на зрачење, а извори за странски медиуми велат дека тој бил во болницата скоро цела 2019 година, а имал и проблеми со цревата.

“Не можам да верувам дека морам да го напишам ова, но татко ми, Edward Lodewijk Van Halen, ја загуби својата долга и мачна битка со ракот. Тој беше најдобриот татко што некогаш можев да го посакам. Секој момент што го споделував со него беше подарок на и надвор од сцената“, објави неговиот син, музичарот Wolfgang Van Halena, на Твитер.