10 проценти од населението би можело да биде заразено со корона

Директорот на Светската здравствена организација (СЗО) за итни ситуации, д-р Мајкл Рајан, днес изјави дека, според неговите најдобри проценки, приближно едно од 10 лица во светот би можело да биде заразено со коронавирус.

Проценката, која би била повеќе од 760 милиони луѓе врз основа на сегашната светска популација од околу 7,6 милијарди, далеку го надминува бројот на потврдени случаи пријавени и од СЗО и од Универзитетот Џон Хопкинс, а кој изнесува повеќе од 35 милиони случаи ширум светот.

Експертите веќе подолго време велат дека бројот на потврдени случаи е многу помал од реалниот број на заразени.