Убиен актерот Томас Џеферсон Бирд, ѕвезда на филмовите за Спајк Ли

Американскиот актер Томас Џеферсон Бирд, кој глумеше во бројни филмови на Спајк Ли, е застрелан во Атланта.

Полицијата го пронашла телото на 70-годишниот актер во саботата наутро со неколку куршуми во грбот. Лекарите кои дошле на местото каде што бил пронајден Бирд, можеле само да ја констатираат неговата смрт.

Истрагата за инцидентот е во тек, а полицијата досега не уапсила никого.

Актерот со големо театарско искуство, Томас Џеферсон Бирд се појави на филмското платно на 45-годишна возраст кога Спајк Ли му понудил споредна улога во филмот „Clockers“.

Тој успеа да го наметне својот актерски и нетипичен изглед во филмскиот свет на Спајк Ли, а потоа беше ангажиран и од други режисери. Сепак, тој е најпознат по учеството во проектите на Спајк Ли. Неодамна глумеше во сериите She’s Gotta Have It (2017 – 2019) и во филмот Chi-Raq (2015).

Спајк Ли на Инстаграм му посвети неколку објави, изразувајќи сочувство до неговото семејство и додаде дека е „многу тажен“.

Извор: Index.hr