Светски рекорди кои сеуште никој не успеа да ги собори
Иако скоро секој ден се поставуваат нови светски рекорди, има и такви кои не се соборени од денот на нивното воспоставување. Ова се некои од нив.
Вкупниот број на светски рекорди поставени од една личност
Повеќето луѓе можат само да сонуваат да ја носат титулата светски рекордер, а еден човек урнал повеќе од 700.
Ашрита Фурман поминал повеќе од 30 години соборувајќи рекорд по рекорд, тој дури успеал да биде личност со најголем број поставени рекорди што ги држи поединец истовремено.
Иако досега беа срушени многу од неговите рекорди, тоа не ги намалува неговите напори и достигнувања.
Неговите достигнувања се широки и разновидни, се протегаат од најдолгиот непрекинат пат поминат со шише млеко на главата, па се до најмногу одиграни партии „школка“ за 24 часа.
Најдолгите нокти на светот
Индиецот Шридар Чилал ја освои титулата најдолги нокти на една рака во 2014 година. Тој не ги исекол ноктите цели 60 години.
Во тоа време, ноктите на левата рака му биле долги помеѓу 164,5 см и екстремни 197,8 см.
Највисокиот човек
Највисокиот човек е Роберт Вадлоу, кој титулата ја добил во 1940 година, кога измериле дека е висок неверојатни 2,72 метри.
Филмот кој заработи најмногу
Со зголемување на цената на билетите во кино салите значи и дека филмовите со најголема заработка на сите времиња се најновите филмови.
Меѓутоа, кога вкупно заработените пари ќе се прилагодат на инфлацијата, еден филм од 1939 година се наоѓа на врвот на листата.
„Gone with the Wind“ тогаш заработл 393,4 милиони долари на меѓународниот бокс-офис, но кога ќе се прилагоди на инфлацијата, вкупната бруто-заработка е 3,44 милијарди долари, што го прави филм со најголема заработка на сите времиња.
Најлошата пандемија во светот
Иако пандемијата Ковид-19 можеби е најлошата што ја доживеале помладите генерации, најсмртоносната пандемија во светот се случила во периодот од 1347 до 1351 година.
Пневмоничната форма на чума, позната и како Црна смрт, ја уништила Европа, убивајќи една четвртина од вкупното население.
Оваа болест убила околу 75 милиони луѓе ширум светот, што ја прави најсмртоносна и најлоша глобална пандемија со векови.
Најголемата деловна зграда
Во моментов Пентагон ја носи титулата најголема деловна зграда во светот. Зградата има околу 600.000 квадратни метри, од кои над половина од просторот се користи за канцеларии.
Најголем број преживеани атомски експлозии
Еден човек ја освои титулата откако ги преживеал двете атомски бомби фрлени врз Јапонија.
Кутому Јамагучи бил на службено патување во Хирошима кога САД ја фрлија првата нуклеарна бомба користена во војната врз еден јапонски град.
Јамагучи за чудо преживеал и се вратил во родниот град Нагасаки, кога САД ја фрлија втората бомба.
Уште еднаш, овој човек успеа да преживее напад во кој загинаа толку многу луѓе и за среќа имаше можност да ја раскаже својата приказна.
Извор: b92.net
