ЗАВРШИ ПРЕОДНИОТ РОК: Најголема работа последниот ден завршија Јунајтед и Јувентус
Заврши уште еден летен преоден рок во петте најголеми фудбалски лиги. Траеше од 27 јули до 5 октомври и понуди голем број изненадувања на пазарот на играчи.
Први, преодниот рок го завршија Германците, вчера во 18 часот. Тој беше обележан со големи трансфери во други лиги. Timo Werner (53 милиони евра) и Kai Havertz (80 милиони евра) отидоа во Челси, Thiago (22 милиони евра) во Ливерпул и Kevin Volland (16 милиони евра) во Монако.
Италијaните втори го затворија преодниот рок
После Бундеслигата, во 20 часот, преодниот рок беше завршен во Серијата А. Интер беше најактивниот клуб на пазарот. Тој донесе играчи со вкупна вредност од 97 милиони евра, додека продаде играчи во вредност од 83 милиони евра. Интер и Антонио Конте се очекува конечно да ја прекинат доминацијата на Јувентус во Италија.
Јувентус веќе има одличен тим, а трансферот на Артуро од Барселона е најскапиот влезен трансфер во Серија А ова лето. Во борбата за титулата може да влезе и Аталанта, која го купи Марио Пашалиќ од Челси. Рома го донесе Крис Смолинг од Манчестер Јунајтед во последните минути од преодниот рок.
Премиер лигата повторно најактивнa
Англичаните, Шпанците и Французите ги завршија своите преодни рокови на полноќ. Како и во последните десет години, Англичаните беа најактивни на пазарот. Повеќе од 250 играчи пристигнаа во лигата, а околу 215 играчи ја напуштија. Вкупно, лигата потроши 1,3 милијарди евра за трансфери. Ако ги земеме предвид и приходите од трансфери, Англичаните се повторно најголеми потрошувачи со дефицит од 865 милиони евра.
Челси ова лето направи четири блокбастер трансфери и најави “напад” на титулата со доведување на Timo Werner, Kaij Havertz, Ben Chilwell и Hakim Ziyech. Pep Guardiola мака мачи со одбраната. После Ake, во последните денови од истекот на рокот, тој потроши плус 68 милиони евра за Dias од Бенфика за да ја подобри состојбата во тој дел од тимот. Манчестер Јунајтед ги донесе Van de Beek и Cavani, а Арсенал драматично го донесе Thomas Partey во последните моменти од преодниот рок.
Мирно во Ла Лига
Шпанците беа нешто помирни од вообичаеното поради пандемијата на коронавирусот и кризата што следеше. Малку неверојатно звучи податокот дека во вкупниот биланс се позитивни. Тие потрошија вкупно 411 милиони евра за пристигнување на 304 играчи, додека заработија 439 милиони евра како обештетување, што ги става во плус за 28 милиони евра.
Барселона доживеа крах минатата сезона и нивно најголемо засилување е останувањето на Меси, но тие ги донесоа и Пјаниќ, Тринкао и Деста. Може ли тоа да им биде доволно за освојување на титулата? Атлетико Мадрид исто така одлучи да го предизвика актуелниот шампион, Реал Мадрид. Тие го откупија договорот на Алваро Мората и го доведоа Луис Суарез за исклучително поволни 5,5 милиони евра. Сепак, Мората на крајот му беше продаден на Јувентус.
Вреди да се спомене дека во Франција немаше поголеми трансфери и последниот ден од преодниот период помина мирно како никогаш порано.
Извор: index.hr
