3 најголеми БАКСУЗИ во хороскопот
Во одреден момент од нашите животи, на сите ни се чини дека сме родени баксузи. Kолку има вистина во тоа и зошто е тоа така, ни открива хороскопот.
Ова се трите хороскопски знаци кои најчесто се прашуваат што згрешиле за да имаат таква судбина:
Девица
Девиците се вешти во решавање на туѓи проблеми и давање совети, но самите себе си не можат да си помогнат. Кога се нервозни, тие чистат, па така нивниот дом е толку стерилен што гостите се чувствуваат малку непријатно и напнато. Тие имаат тенденција да спакуваат сè уредно во нивните фиоки, ставаат етикети, средуваат и кога нешто нема да им излезе како што планирале или некој им се спротивстави, тие паничат. Нив животот постојано непријатно ги изненадува. Само што ќе средат сè, на тепихот ќе се истури чаша со вино. Само што ќе станат емотивно стабилни, ќе им се случи нешто неочекувано и тие сега сè повторно ќе испитуваат … Цел живот им е во исправање некои “криви дрини”, па често се прашуваат што му згрешиле на Господ за да имаат таква судбина.
Вага
Она што најмногу ja нервира Вагата е неправдата. Ја забележуваат насекаде околу нив, а често ја чувствуваат на своја кожа и секогаш има нешто што им ги нарушува мирот и среќата. Тие припаѓаат на оние луѓе кои прво ќе легнат, па потоа ќе размислуваат и потоа размислуваат со денови како можеле да постапат и што би било кога би било … Сакаат убави луѓе и луксузни работи. Изгледот е многу важен за нив, затоа никогаш не ги трпат знаците на стареење. За нив тоа е една од најголемите неправди во светот. Сакаат да си играат детективи, да откриваат измами, да ги разоткријат оние кои лажат, само проблемот е во тоа што тие сè сфаќаат лично. За нив, самиот факт дека има лоши луѓе е лична навреда. Кога решаваат туѓи проблеми, тие ги доживуваат како свои. Се сметаат себе си за емпатични личности, но прашањето е колку тие се во состојба да излезат од својот свет и да ги видат работите поинаку.
Риба
Рибите се проклетство самите за себе. Слабо контакрираат со реалноста, па постојано влегуваат во непријатни ситуации. Тие на негативните животни околности реагираат бурно и непредвидливо. Во своите глави имаат зацртано како нивниот живот треба да изгледа и како совршениот свет треба да функционира. Бидејќи реалноста е сосема поинаква, тие ќе се обидат да ја победат истата реалност во пијана состојба! Кога се соочуваат со проблем што е тешко решлив, тие секогаш ќе се обидат проблемот да го донесат на своја територија, во нивниот свет каде владеат различни закони на физиката, математиката, духовноста … Ова е особено изразено кога тие се под дејство на алкохол или се понесени од своите емоции.
