За пушачите, но и за сите други: Овошје кое помага при хронични белодробни заболувања

Дури и пушачите кои редовно консумирале јаболка и круши станале поотпорни на хроничен бронхитис. И некои други растителни супстанции кои се наоѓаат во јаболката и крушите се од голема важност.

Овошјето и зеленчукот, како што ни е веќе добро познато, се многу здрави и го штитат организмот од многу болести. Но, јаболката и крушите имаат предност и кај хроничните белодробни заболувања кога ќе се споредат со другите видови овошје, заклучија истражувачите од Националниот институт за здравство во Билтовен во Холандија.

Тие претпоставуваат дека секундарните растителни супстанции кои ги има во овие плодови, катечини, може да бидат одговорни за тоа. Точно 14.000 луѓе кои биле набудувани од тимот експерти и кои јаделе јаболка, имале помали шанси за хронични белодробни заболувања.

Самите катечини, кои, на пример, се наоѓаат и во чајот и ги штитат срцето и крвните садови од болести, го немаат тој позитивен ефект врз белодробните заболувања.