ТРАМП И СЕ ОБРАТИ НА НАЦИЈАТА

Ударна вест ширум светот е објавена пред полноќ по наше време:
Американскиот претседател Доналд Трамп е хоспитализиран во воената болница Валтер Рид во Вашингтон, бидејќи е заразен со Ковид-19.

Белата куќа објави дека оваа мерка е превентивна, а како доказ за добрата состојба на претседателот на САД, е тоа што на фото репортерите им беше дозволено да го фотографираат Трамп како на нозе влегува во хеликоптер и заминува во болница.
Тој и неговата сопруга Меланија Трамп се позитивни на коронавирусот, нивниот син Барон е негативен.

Пред да го напушти својот дом, Трамп застана пред камерата и и се обрати на нацијата со видео изјава, која ја сподели на својот профил на Твитер.

“Ви благодарам на сите за неверојатната поддршка. Одам во болница, мислам дека добро ми оди, но ќе се осигураме сè да биде во ред. Првата дама е многу добро. Ви благодарам многу, го ценам тоа и никогаш нема да го заборавам”.

Според извештајот на американските медиуми, Трамп е во добра состојба, има лесни симптоми и само чувствува замор.

Извор: mondo.rs