ГОБЛЕНИ – ИЗЛОЖБА НА ФИЛИП ИВАНОВСКИ ПЕПЕ

Во организација на Музеј на Град Скопје, а под покровителство на Град Скопје, преку изложбениот концепт  КАЛЕИДОСКОП III, како серија изложби, кои се дел од празнувањето на Европски ден за уметничка креативност, продолжува  застапувањето на еден од основните приоритети на европскиот проект CreArt –презентација на локални креативни таленти и уметници, со нивните дела зад кои стојат различни културни багажи и гледишта. 

Третото по ред реализирање на КАЛЕИДОСКОП III 2020 год. се состои од самостојната изложба на Филип Ивановски Пепе насловена  ГОБЛЕНИ, која ќе биде отворена од 30.09 – 04.10.2020 год. во Галерија ФЛУ-Скопје, во склоп на Факултетот за ликовни уметности, објект Педагошка (бул. „8 Септември“ бр.10). 

Град Скопје, како ко-партнер во проектот CreArt, секогаш ги поддржува делата на младите креативци од земјава.

Извор: skopje.gov.mk