Узбекистан ги наградува жителите кои прават 10 000 чекори во текот на денот

За Узбекистанците кои прават 10.000 чекори секој ден во текот на една година, властите ќе дозволат бесплатно користење на теретаните кои се во државна сопственост, а ќе добијат и 50% попуст на слични услуги кои ги нуди владата.

Целта на ваквата одлука е промовирање на здрав начин на живот.

Властите се надеваат дека нивните напори ќе помогнат во заштитата на населението од болести како што е „Kовид-19“, иако досега се пријавени помалку случаи во Узбекистан отколку во многу други земји – 54.462 случаи со коронавирус и 450 смртни случаи. Поради сузбивање на ширењето на оваа заразна болест, досега биле на сила двa “локдауна”.

Владината програма наречена „Надминување на пандемијата со спорт!“ поттикнува промоција на спортови како брзо одење, трчање, возење велосипед, фудбал, бадминтон, одбојка и стритбол (улична кошарка).

Извор: krstarica.com