Како изгледа кога се истураат 50000 литри вино: Снимките од ШПАНИЈА хит на социјалните мрежи

Кога 50.000 литри вино почнуваат да бликаат од пукнатина во огромен челичен резервоар, нема сомнение дека штетата на сопствениците е огромна. Во винарската визба „Bodegas Vitivinos“ во централна Шпанија, за неколку минути видоа како изгледаат и гејзер и река од вино.

Видеото кое многу брзо се рашири на социјалните мрежи, покажува како 50.000 литри вино истекуваат од огромен инокс резервоар на бетонскиот под во кругот на фабриката, и тоа за помалку од една минута.

После пукањето на резервоарот, се гледа бордо гејзер, потоа река вино, но ароматичната течност наскоро се излева од сите страни на земја и под паркирани возила.

Винаријата „Bodegas Vitivinos“ е основана во 1969 година и годишно преработува шест милиони тони грозје.