2.500 студенти во карантин поради забава

Поради забава, на која присуствувале десетина студенти позитивни на коронавирус, цела генерација на познатото угостителско училиште EHL од Лозана e во карантин, а нивната бројка е 2.500.

Забавата се одржала пред воведување на построгите мерки, а поради карантинот,  студентите ќе мора сега наставата да ја следат on line.

EHL се смета за едно од најдобрите угостителски и хотелски стручни училишта, кое го посетуваат студенти од целиот свет.

На EHL сега студираат 3.400 студенти од повеќе од 100 земји, а странците за четиригодишните  студии плаќаат околу 160.000 франци.

Извор: b92.net