Вреди да се проба – јадеме во период од 8 часа, 16 не

Американскиот професионален КросФит спортист, Рич Фронинг Џуниор кој е познат по тоа што стана првата личност која четири пати ја освојуваше титулата „Најфит човек на планетата“, има одличен совет за мажите, кога станува збор за диетите.

Година и пол, Рич своите оброци ги јадел помеѓу 12:30 и 20:30 часот, што значи 8 часа јадел, 16 не. Тој вели дека додека ја држел оваа диета, забележал значително подобрување на неговото здравје.

„Открив дека ова всушност многу ми помага при воспаленија, а мојот тестостерон се зголеми за само шест месеци“, изјави Рич за Men’s Health.

Но, освен неговото здравје, оваа „диета“ имала и големо влијание врз квалитетот на неговиот тренинг.

– Едноставно се чувствувам многу подобро. Проблемот што го имав претходно беше во тоа што јадев наутро, па бев зафатен со тренинзи, потоа можеби ќе земев шејк или два во текот на денот, бидејќи всушност не јадев ништо. Навечер ќе изедев поголем оброк, а некогаш и два.  На вториот тренинг, јас веќе бев исцрпен – изјави Рич.

– Оваа диета ме тера да јадам двапати на паузите помеѓу тренинзите, тоа е од 13:00 до 15:30 часот. После тоа се чувствувам многу подобро и сум подготвен за вториот тренинг, не се чувствувам повеќе исцрпено – вели Рич.

Науката дефинитивно го поддржува неговото искуство. Повремениот пост може да ги подобри перформансите на телото и детално опишува како мажите кои не јадат 16 часа би можеле да изгубат маснотии, а да ги задржат мускулите, објавуваат од универзитетот Џон Хопкинс. Испитаниците, исто така, забележале подобрувања во когнитивните способности и кардиоваскуларното здравје.

Откако Рич се натпреваруваше повеќе од една деценија, неговиот нов план на исхрана го охрабри да продолжи интензивно да тренира и да се натпреварува.

Извор: Men’s Health