КОРОНА: Земјите поделени во групи со “стабилен” и “загрижувачки” тренд

 

 

Европскиот центар за превенција и контрола на инфекции ги категоризира земјите на ЕУ во групи со „стабилни“ или „загрижувачки“ трендови кога станува збор за проценка на ризикот „Ковид-19“.

Групите се дефинирани врз основа на бројот на новоинфицирани, особено кај оние постари од 65 години и стапката на смртност во последните две недели.

Групата земји со „стабилен тренд“ ја сочинуваат: Кипар, Финска, Германија, Грција, Исланд, Италија, Летонија, Лихтенштајн, Литванија, Полска и Шведска.

Во овие земји, се проценува дека севкупната веројатност за инфекција е мала, и поради малиот процент на случаи кај постари лица и сегашниот низок процент на тешки случаи и ниските извештаи за смртност, влијанието на болеста врз целото население е мало.

Групата земји со „загрижувачки трендови“ ги вклучува сите преостанати земји на ЕУ и Велика Британија.

Европскиот центар за превенција и контрола на болести наведува дека во овие земји, поради големиот обем на пренесување на инфекција и не ефикасниот третман, веројатноста да заболите од коронавирус е многу голема.

Земјите со „загрижувачки трендови“ исто така се поделени во две подгрупи, оние со „умерен“ и „висок ризик“.

На листата земји со “умерен” ризик се наоѓаат оние земји каде се пријавуваат високи и зголемени стапки на новоинфицирани поради големиот број тестирања, а инфекцијата се јавува првенствено кај млади луѓе, со мал дел од тешки случаи.

Во оваа група влегуваат: Австрија, Белгија, Данска, Естонија, Франција, Ирска, Луксембург, Холандија, Норвешка, Португалија, Словачка, Словенија и Велика Британија.
Европскиот центар за превенција и контрола на инфекции предупредува дека последните податоци покажуваат дека епидемиолошката состојба се влошува во повеќето земји кои веќе се во “загрижувачката група”.

 

Извор: MONDO/Tanjug