Дизни ги одложи премиерите на „Black Widow“, и „West Side Story“ на Spielberg

Компанијата Walt Disney, поради пандемијата,  дополнително ги одложи своите нови мега-филмови од Marvel, вклучително и „Black Widow“, како и „West Side Story“ на Steven Spielberg.

Десет врвни филмови на Disney кои требаше своите премиери да ги имаат оваа недела, добија други термини. Филмот на Scarlett Johanson „Black Widow“, e презакажан за 7 мај следната година. Своја премиера следниот месец нема да има ниту новиот филм на Kenneth Branagh, „Death on the Nile“, сега премиерата е закажана за 18 декември. Тогаш требаше да го добиеме и мјузиклот „West Side Story“, на Spielberg, но тој сега ќе дебитира во декември 2021 година.

Но, Disney не кренаа целосно раце од оваа сезона. Изданието на Pixar „Soul“ останува во календарот за крајот на ноември, a хоророт „The Empty Man“, наместо во декември премиерата ќе ја има на 23 октомври.

Со оглед на меѓусебно поврзаната природа на изданијата на Marvel, последното одложување на „Black Widow“ има домино ефект врз другите филмови. „ Shang Chi and the Legend of the Ten Rings“ на Destin Daniel Cretton, со Simu Liu како херој на боречки вештини, сега е закажан за 9 јули 2021 година, наместо на 7 мај. “Eternals”, со Angelina Jolie, Gemma Chan и Kumail Nanjiani, сега “се сели” од февруари во ноември 2021 година.

„Marvel донесе правилна и одговорна одлука“, објави Nanjiani на Твитер. „Има пандемија. Ништо не е поважно од здравјето и животот. Не можам да им кажам на луѓето да одат во кино, сè додека не се чувствуваме безбедно“.

Трилерот на Ben Affleck-Ana de Armas thriller “Deep Water” исто така од ноември е презакажан за август следната година.

Извор:аbcnews.go.com