Пешачењето е важно за здравјето – ова се неговите придобивки
Не ја потценувајте силата на пешачењето. Иако станува збор за мала физичка активност, таа е многу корисна за организмот.
„Една од најголемите заблуди е дека пешачењето не е ефикасна алатка за слабеење, бара многу време, а дава минимални резултати“, изјави за Women’s Health, д-р Кери Петерсон.
Таа истакнува дека одењето може да ви помогне да изгубите тежина, а има и некои други придобивки.
„Истражувањата покажаа дека одењето го намалува ризикот од висок крвен притисок, холестерол, дијабетес и срцеви заболувања“, додава др. Питерсон.
Ова се придобивките од пешачењето кои ги потврдуваат науката и експертите.
- Го подобрува расположението
Се чувствувате како да немате желба за ништо? Тажни сте? Облечете патики и прошетајте! Еден час пешачење на ден го намалува ризикот од депресија, покажува студијата објавена во 2019 година во списанието JAMA Psychiatry.
- Ја поттикнува креативноста
Следниот пат кога ќе “заглавите”, прошетајте. Студија од 2014 година објавена во списанието Experimental Psychology, Learning, Memory and Cognition открива дека 176 студенти биле покреативни после пешачење.
- Стимулира согорување на калории и слабеење
Брзото одење, во кое ги користиме и раце ги стимулира мускулите во горниот и долниот дел од телото да согоруваат калории. Ако вашата цел е да изгубите тежина, направете 15.000 чекори на ден седум дена во неделата – ова е е препораката на инструкторката Хана Дејвис.
Има корисен ефект врз здравјето на срцето
Според студијата објавена во Journal of the American College of Cardiology во 2018 година, 40-минутните прошетки два до три пати неделно значително го намалија ризикот од проблеми со срцето кај жените во менопауза.
- Ги зајакнува мускулите
Не мора да се фокусирате само на тегови ако сакате да направите мускули. Како и трчањето, и пешачењето помага во зајакнување на вашите мускули, а колку тие ќе зајакнат зависи од брзината, отпорот, односно интензитетот.
Го намалува ризикот од дијабетес
Ако имате дијагностициран предидијабетес, одењето може да помогне да се намали ризикот од развој на дијабетес, според студијата спроведена во 2016 година на Универзитетот Duke.
- Ви помага да спиете подобро
Не сте се наспале добро? Пешачењето ви помага да спиете подобро. Ова го покажа студија, според која учесниците кои пешачеле повеќе во текот на денот значително ја зголемиле должината на спиењето во споредба со оние кои се движеле малку или воопшто не се движеле.
- Добро е за зајакнување на имунитетот
Уште во 2011 година, откриено е дека луѓето кои пешачеле најмалку 20 минути на ден пет дена во неделата, помалку денови биле болни (дури 43 %), отколку оние кои вежбале еднаш неделно или помалку. Оние кои се разболеле имале полесни симптоми или се опоравиле побрзо.
- Го продолжува животот
Пешачењето придонесува за долговечност, но важно е колку брзо се движите. Во мај, клиниката Mayo ги објави резултатите од студијата спроведена над седум илјади учесници за седум години. Вкупно починале 12.800 луѓе, а научниците дошле до заклучок дека оние што оделе побрзо го продолжиле животот во споредба со побавните луѓе.
Ја намалува желбата за храна
Ако сакате да јадете навечер, 15 минути пешачење ќе ви ја намали желбата за јадење благо, потврди студија објавена во 2015 година во списанието PLOS One.
