КОРОНАВИРУС низ бројки

Од коронавирус досега починаа повеќе од 980.000 луѓе ширум светот.

Според податоците собрани од Центарот за системи за наука и инженерство на Универзитетот Џон Хопкинс, над 32 милиони луѓе се заразени со КОВИД-19. Критериумите за дијагноза – преку клинички средства или лабораториски тест – се разликуваат од земја до земја. Сепак, се верува дека вистинските бројки се многу поголеми како резултат на недостаток на тестирање, многу непријавени случаи и сомневања дека некои национални влади кријат или го минимизираат опсегот на нивните епидемии.

Од откривањето на првите случаи во Кина во декември, вирусот брзо се прошири на секој континент, освен Антарктикот.

Соединетите држави се најпогодена земја, со повеќе од 7,1 милиони дијагностицирани случаи и најмалку 206.593 смртни случаи.

Скоро 170 кандидати за вакцини за КОВИД-19 ги ​​следи Светската здравствена организација, од кои најмалку шест се во клучната трета фаза од испитувања.

Извор:аbcnews.go.com