Златан Ибрахимовиќ има коронавирус

Шведскиот фудбалер Златан Ибрахимовиќ е позитивен на коронавирус, објавија италијанските медиуми. Тој нема да биде дел од Милан за натпреварот против норвешки Бодо-Глимт во 3. коло од квалификациите за Лигата на Европа. Ибрахимовиќ нема никакви симптоми.

Тој исто така нема да му биде на располагање на тренерот Стефан Пиоли во наредниот период. Засега, медиумите наведуваат дека само тој е позитивен, иако тој број може да биде значително поголем, бидејќи Ибрахимовиќ беше во директен контакт со многу соиграчи до пред само два дена.

Ибрахимовиќ постигна три гола на првите два натпревари од новата сезона.

За 10 дена ќе го прослави својот 39 роденден.