Дали треба да ја навлажнувамe четката за заби пред чистење
Веќе некое време се дебатира дали треба да се навлажни четката за заби пред да се сави пастата врз неа. Излегува дека има поделени мислења,
Една група на луѓе верува дека прво треба да ја навлажните четката под млаз вода, а потоа да ставите паста врз неа па дури потоа да започнете да ги миете забите, пишува IBT .
Останатите се убедени дека пастата треба да се нанесува на сува четка, па дури потоа да се навлажни под чешмата, а некој верува дека четката не треба да биде влажна пред или по нанесувањето на пастата.
Дали треба да ја навлажнувамe четката за заби
Сепак, стоматолошките експерти ставија крај на полемиката. Според нив, сувата четка за заби ќе го зголеми триењето помеѓу влакната и емајлот на забот, како и деликатното ткиво на непцата, додека влажната четка за заби овозможува помеко триење , што го прави четкањето попријатно за повеќето луѓе.
Но, без оглед на вашите желби, важно е да ги миете забите два пати на ден, најмалку две минути.
Зошто да не ја плакнете устата по чистењето
Сепак, според некои експерти, клучна точка не е прашањето дали да се навлажни четката или не, туку плакнењето на устата по чистењето на забите.
Тие веруваат дека наместо да ја исплакнете устата со вода, подобро е само да исплукате вишок паста за заби . Плакнењето веднаш по чистењето ги мие заштитните супстанци, а со тоа се намалува превентивниот ефект.
