Robbie Williams има проблеми со бројките

Човекот со многу таленти, Robbie WIlliams откри дека има дислексија кога станува
збор за бројките. Robbie вели дека не може да пресмета најпрости броеви и му е тешко
да ги каже броевите по ред.
Тој откри: „Јас сум нумерички дислексичен. Не можам да собирам или одземам.
„Не ги знам датумите на раѓањето на моите деца и не ја знам годишнината и не го знам
роденденот на мојата сопруга“. Не можел да се сети ниту на бројот на неговата куќа во
Лос Анџелес. „Има четири бројки на почеток на адресата и никогаш не можам да се
сетам кои се тие бројки“ – изјави Robbie.
За да си го реши проблемот, Robbie ќе ја зголеми својата колекција тетоважи со тоа
што ќе ги истетовира на своето тело важните датуми кои ќе му бидат како потсетник.
Говорејќи на подкастот „Three Little Words“, тој го спореди својот живот со филмскиот
трилер „Мементо“ од 2000 година, за човекот кој ја губи меморијата на секои 15
минути. “За мене секој ден е како Мементо, поради тоа мора да ги истетовирам
важните датуми на моето тело” – изјави Robbie Williams.
Извор: thesun.co.uk