Ѓоковиќ го освои Рим и собори рекорд

Најдобриот тенисер на светот Новак Ѓоковиќ ја освои титулата на Мастерсот во Рим по петти пат во кариерата, откако во финалето го победи Аргентинецот Диего Шварцман со 7:5, 6:3.

Ѓоковиќ стигна до рекордната 36-та титула на Мастерсот и сега има една повеќе од Рафаел Надал. Во своето 115-то финале во кариерата, Ѓоковиќ стигна до 81-та титула и ја направи најдобрата можна увертира пред Ролан Гарос.

Мастерсот во Рим се играше за награден фонд од 3.465.045 евра, а Ѓоковиќ заработи 205.200 евра.