БЕШЕ ИКОНА НА ЈУГОСЛОВЕНСКИОТ РОК, почина сама како бездомник

Пред 20 години, почина Маргита Стефановиќ Маги, клавијатуристка на групата Екатарина Велика, која според многумина беше првата и последна рок хероина од поранешна СФРЈ. Имаше само 43 години.

Заминувањето на Црната принцеза, како што оваа икона на новиот бран и на рок музиката во осумдесеттите години ја нарекуваа фановите и музичките критичари, беше трагично – напуштена и заборавена од сите. И покрај нејзиниот професионален успех, Маги со години се бореше со зависноста од дрога и за жал не успеа да им избега на своите демони.

Кон крајот на својот живот, кој заврши прерано на 18 септември 2002 година, таа се преселила во напуштена гаража во предградието на Белград, каде живеела сама и напуштена од сите. Наскоро станала бездомник и завршила во белградското прифатилиште за бездомници. Ништо материјално не остави зад себе, но музичкото наследство што го остави никогаш нема да биде заборавено.

Беше дел од ЕКВ до 1994 година, односно до смртта на Младен Младеновиќ и распаѓањето на групата. После тоа продолжи да се занимава со музика, но нејзината зависност од дрога ескалираше откако почина нејзиниот татко.

Нејзиниот живот сè уште предизвикува голем интерес, но и поделени мислења. Додека некои ја сметаат за една од најголемите уметници од овие простори, други ја гледаат само како зависник кој на крајот сама си го уништила својот живот. Пред две години беше објавена нејзината биографија „Маги, како да беше некогаш“, а краткиот музички филм “Ангел на клавијатури” беше посветен на неа.

Извор: index.hr