Фудбалски тим загубил 37-0 – држеле физичка дистанца за време на натпревар
Знаете како велат, безбедноста е секогаш на прво место.
На аматерски фудбалски тим во Германија сигурно не му е потребен потсетник за тоа бидејќи изгубиле 37-0 откако ги почитувале мерките за физичко дистанцирање за време на натпреварот против СВ Холденштет Втори. СГ Рипдорф / Молзен, имале само 7 играчи на теренот, поради страв дека нивниот противник е ризик од Ковид-19.
Копретседавачот на Рипдорф, Патрик Ристоу за Си-Ен-Ен изјави дека Холденштет имале контакт со заразен играч за време на претходниот натпревар и затоа клубот сметал дека условите не се безбедни поради двонеделниот период на карантин.
Клубот се обидел да го одложи натпреварот, но противниците не сакале, бидејќи тимот подоцна имал негативни резултати на тестот за Ковид-19.
Седум играчи на Рипдорф на крајот доброволно се пријавиле да играат, за да може натпреварот да се одигра и клубот да избегне парична казна.
„Во оваа пандемија, нашиот клуб нема многу пари да ја плати казната, така што решивме да играме, но со договор, фудбалерите да држат дистанца од противниците. Во текот на целите 90 минути, нашите играчи одржуваа совршена дистанца, така што Холденштет имаше доволно простор и време да постигнуваат голови. Не зборувавме за тактика, бидејќи сите знаевме дека ќе изгубуме “, изјави Ристоу за Си-Ен-Ен.
