Не носиш маска – под казна ќе копаш гробови

Локалните власти во Индонезија смислија необична казна. На луѓето фатени како ги кршат пропишаните мерки во борбата против пандемијата им е наредено да копаат гробови за жртвите од коронавирусот.

Досега осум лица ја издржаале казната, помагајќи им на работниците на јавните гробишта во селото Нгабетан. Осудениците не морале да учествуваат во погребните служби, пишува Dailymail.

Властите ја воведоа оваа невообичаена мерка за да ги натераат оние што не носат маска да размислат за опасните последици од нивното однесување, откако изминатите денови дневниот број на новоинфицирани лица надмина илјада.