Директор одбил 97 проценти од луѓето кои аплицирале за работа
Еден работодавач се налутил, откако во време на економска криза морал да одбие 97 проценти од луѓето кои аплицирале за работа кај него затоа што не ги следеле едноставните упатства од неговиот оглас.
Рајан Ирвинг од Велика Британија на LinkedIn сподели “лут” пост во кој ги критикува неговите несудени вработени.
Имено, тој објавил оглас за вработување во кој нуди годишна плата од 12 илјади фунти и во кој ги замолил луѓето кои ќе се пријавијат да одговорат на неколку едноставни прашања, наместо да испратат CV.
Открил дека вкупно 183 лица се пријавиле за работа, а само шест од нив внимателно го прочитале огласот и направиле како што било наведено. Сите други автоматски биле одбиени.
“Ги молам луѓето што бараат работа внимателно да ги читаат огласите. Неодамна објавивме оглас за работа на кој се пријанија 183 лица, што не е ни чудо во сегашната економска состојба. Во огласот, ги замоливме потенцијалните вработени да одговорат на некои едноставни прашања, наместо да достават биографија. Знаете ли колку луѓе го сторија тоа? Шест “, напиша тој.
“Во сегашната ситуација има голема невработеност и малку шанси за работа, така што ова не е добро. Веројатно многу потенцијални вработени автоматски реагираат на сите огласи и јас можам да го разберам тој менталитет, но тоа едноставно не функциониратака. Моравме да одбиеме 177 луѓе на почетокот затоа што не се потрудија да го прочитаат огласот до крај. Не ми е гајле дали имате четири дипломи и 20 години работно искуство. Ако не можете да следите едноставни упатства, тоа не е добар почеток?”, напиша во огласот директорот Рајан Ирвинг, пренесена од Дејли Меил.
Некои луѓе на LinkedIn се согласија со него, додека други сметаат дека претерува.
“Зошто не го читате огласот до крај? Тоа ми се чини лудо. Ако навистина ве интересира таа работа, сакате да ги знаете сите детали за тоа. Површното читање не покажува голем ентузијазам”, гласи еден од коментарите.
“Наместо да “попувате”, може би сте требале да реагирате малку поинаку. Верувам дека сте имале добра намера, но тоа е лицемерно”, не се согласи друг корисник.
Што мислите вие?
(Index.hr)
