Доаѓаме до бројката 30.000.000

Според последните податоци на страната Worldometers, во светот, до сега, со коронавирусот, се заразиле 29.724.117 луѓе.

Излечени се 21.538.547 пациенти, a починале 939.177.

Активни случаи во овој момент има 7.246.393. Благи симптоми имаат 7.185.486 од заболените, додека во критична состојба се наоѓаат 60.907 пациенти.

Први во светот според бројот на заболени и починати се САД. Во оваа земја од почетокот на пандемијата, заразени се 6.788.147 луѓе, додека од Ковид-19 до сега починале 200.197 пациенти.

Втора според бројот на заразени е Индија со 5.018.034 потврдени случаи, а на третото место се наоѓа Бразил, земја во која се регистрирани 4.384.299 заболени.

После САД, најмногу смртни случаи како последица од Ковид-19, има Бразил – 132.297. На третото место е Индија, земја во која до сега починаа 82.091 лица.