Суспензија од седум натпревари за Нејмар?

Нејмар би можел да биде суспендиран со седум натпревари поради однесувањето во француското дерби против Олимпик Марсеј. Фудбалерот на ПСЖ го удри фудбалерот на Марсеј, Алваро Гонзалез, а потоа се судрија Дарио Бенедето и Леандро Паредес и започна борбата на средината на теренот, после која неколку играчи добија црвени картони, меѓу кои и Нејмар. По натпреварот Бразилецот го обвини Гонзалез за расизам.

Француски „РМЦ Спорт“ пренесува дека Нејмар би можел да биде суспендиран во следните седум натпревари, а доколку се докаже дека Гонзалес навистина расистички го навредувал Нејмар, тој би паузирал дури на 10.

Одлуката за тоа кој колкава казна ќе добие, ќе биде донесена денес.