Вкупното време поминато во играње на Fortnite е подолго од постоењето на човекот

Неспорно е дека Fortnite: Battle Royale е најпопуларната игра денес, со над 350 милиони регистрирани играчи на сите платформи на кои е достапна и со апсолутен рекорд по бројот на играчи, кој надминува 12 милиони.

Сосема е логично дека голем број играчи имаат многу време поминато играјќи Fortnite: Battle Royale, без разлика дали станува збор за стандардни режими на игра или за Playground режим.

Времето поминато во најпопуларните игри беше тема на последниот извештај од порталот GAME, каде се пресметуваше колку време сите играчи поминаат играјќи Fortnite, но и други игри, како што се World of Warcraft, Overwatch, PUBG, FIFA и други. Fortnite: Battle Royale е апсолутен рекордер по бројот на вкупно поминати денови во играта, дури 3,8 милијарди дена (бројно 3 802 500 000) што е еднакво на период од 10,4 милиони години. Ова време поминато играјќи ја играта е подобро во споредба со постоењето на човечкиот вид, кој со сите предци е присутен на Земјата околу 6 милиони години, а хомо сапиенсот се појави пред околу 300 000 години.

Воопшто не е наивна бројка, па дури и кога ќе се спореди со другите популарни наслови, Fortnite е далеку пред нив. Потсетуваме, Fortnite се појави на крајот на 2017 година и повторно, во играта поминато е двојно повеќе време отколку во World of Warcraft, кој е присутен од 2004 година – 2 милијарди дена во споредба со 3,8 милијарди.