ФУДБАЛСКИ ТРАНСФЕРИ И ШПЕКУЛАЦИИ – 14 септември 2020 година

Кавани сака во Барселона

Единсон Кавани веќе некое време не е играч на ПСЖ. Си замина од клубот по истекот на договорот и во моментов е во потрага по нов клуб.

Каталонски Спорт пишува дека и се понудил на Барселона откако двапати не успеал да постигнат договор со Бенфика. Барселона неодамна го отпиша Луис Суарез и има потреба од напаѓач, а Кавани не изгледа како лоша опција за ротација.

Барса го сели Суарез на клупа

Барселона е подготвена да го остави Луис Суарез да седи на клупата до истекот на неговиот договор доколку тоа е потребно, пишува добро информираниот каталонски Спорт.Роналд Куман го отпиша и сега е подготвен да го задржи на клубата се додека Уругваецот не реши да го напушти клубот во овој преоден рок.

Јунајтед го сака Серхио Регуилон Од Реал

Манчестер Јунајтед сака да го донесе Серхио Регуилон од Реал Мадрид, но досега не успеа да постигне договор со шпанскиот шампион.Англичаните сакаат веднаш да платат обештетување и да го донесат Регуилон без никакви клаузули, но Реал Мадрид сака во договорот за продажба да ја вметне откупна клаузула со право за продажба по две сезони.Трансферот треба да изнесува околу 25 милиони евра.

Реал донесе напаѓач

Барселона цело лето се обидуваше да го донесе Лаутаро Мартинез од Интер, но сега се чини дека Реал Мадрид успеа да го комплетира тој трансфер.Според „Мундо Депортиво“, Реал постигнал договор со Интер за купување на Мартинез за 100 милиони евра, а условите веќе биле договорени со 23-годишниот Аргентинец.

Манџукиќ во Италија?

Италијанските медиуми пишуваат дека Марио Манџукиќ многу лесно може да заврши во Рома, но ситуацијата е комплицирана бидејќи некои работи не зависат од него туку од претседателот на Наполи, Аурелио Де Лаурентис.Поранешниот хрватски репрезентативец е слободен агент откако го раскина договорот со катарски Ал-Духаил, но таму имаше годишна плата од шест милиони евра, додека Рома, според италијанските медиуми, е подготвена да му исплати околу половина од оваа сума.

Бејл во Јунајтед?

Освен што се интересираат за Иван Перишиќ, се чини дека челниците на Јунајтед се подготвени да го донесат и Герет Бејл во клубот, пишува британски Дејли Стар.
Бејл е отпишан во Реал и нема иднина таму, а Јунајтед е меѓу неколкуте екипи кои можат да си дозволат да го понесат товарот на неговатаплата. Сумата што Јунајтед треба да ја исплати не е истакната, но се верува дека Реал би бил подготвен да го пушти Бејл за симболична сума само да не му дава толку висока плата.

Гвардиола соборува рекорд

Манчестер Сити испрати понуда вредна 89 милиони евра за стоперот на Атлетико Мадрид, Хозе Гименез, пишува денеска мадридски АС.Покрај 89 милиони евра фиксна компензација, Сити нуди и пет милиони бонуси кои зависат од перформансите на Уругваецот во нивниот дрес за време на неговиот договорот со клубот.

Ливерпул го сака Мбапе

Англискиот Гардијан денес носи сензационална вест за интересот на Ливерпул за Килијан Мбапе од ПСЖ. Ливерпул порано се споменуваше во контекст на младиот Французин, но никогаш од ваков сериозен медиум.Мбапе наводно им соопштил на клупските челници дека сака да го напушти ПСЖ, а Ливерпул, кој потроши многу малку пари во последните два преодни рока, е подготвен да вложи огромна сума пари за да го доведе во клубот.Се проценува дека трансферот може да изнесува од 200 до 300 милиони евра.