Нејмар: Расизам, расизам! (ВИДЕО)

Фудбалерот на ПСЖ, Нејмар, објави дека играчот на Олимпик Марсеј го навредувал на расна основа во натпреварот од Лига 1.

Марсеј го победи ПСЖ со 1:0 (голот го постигна на Флоријан Тован) и му го нанесе вториот последователен пораз на почетокот на францускиот шампионат.

Во 96-тата минута од натпреварот на „Паркот на принцот“, беа исклучени пет фудбалери, вклучувајќи го и Нејмар.

Тој го погоди дефанзивецот на Олимпик, Алваро Гонзалез, а потоа се судрија Дарио Бенедето и Леандро Паредес и започна тепачка на средината на теренот.

Нејмар му се пожалил на четвртиот судија дека Гонзалез при напуштањето на теренот, го навредувал на расна основа, а потоа тоа обвинувањето го повтори пред камерата откако ВАР технологијата го потврди неговиот црвен картон.

– Лесно е ВАР да ја покаже мојата агресија. Би сакал снимката да покаже како расистот ме нарече мајмунски ку*кин син. Тоа би сакал да го видам. Мене ме казнувате. А, што е со нив? – изјави Нејмар.

Освен Нејмар, исклучени беа и Курзава и Паредес од ПСЖ и Бенедето и Амави од Олимпик Марсеј.

По две кола, Олимпик има две победи.