Се гради новиот булевар Босна и Херцеговина

Реализацијата на овој капитален проект се одвива во две фази. Првиот дел од новопроектираниот булевар Босна и Херцеговина е на потегот од крстосницата булеварот Словенија и улицата Македонска косовска бригада до крстосницата со улиците Бутелска и Кемал Сејфула. Булеварот ќе биде долг околу 1.400 метри и широк 40 метри и ќе има по 3 коловозни ленти во двата правца, 5 метри зелен појас во средината, странично зеленило, како и пешачки и велосипедски патеки од двете страни.

Втората фаза од изградбата на новопроектираниот булевар Босна и Херцеговина е на потегот од крстосницата со булеварот Христијан Тодоровски Карпош до крстосницата со улиците Ќемал Сејфула и Бутелска.  Булеварот на овој потег ќе биде долг околу 500 метри булевар широк 40 метри, со шест коловозни ленти, две велосипедски  и две пешачки патеки и централно и странично зеленило. 

Со изградбата на новиот булевар, граѓаните на Бутел, Чаир, Шуто Оризари и на Железара ќе имаат целосно булеварско решение со кое се спојуваат булеварот Словенија, Босна и Херцеговина и Христијан Тодоровски Карпош.

За потсетување, некогашната улица Босна и Херцеговина е изградена пред 40-на години, од тогаш асфалтот не е променет, а улицата била широка само 7 метри.