ТРАНСФЕРИ: Јувентус сака да го продаде Даглас Коста, Мбапе побара да си замине од ПСЖ, Барселона го сака Салах
Трансфери и шпекулации – 13 септември:
Јувентус сака да го продаде Даглас Коста
Goal.com објави информација дека Јувентус ова лето сака да се ослободи од Даглас Коста, кој има чести проблеми со повредите. Пред пет дена, Танкреди Палмери веќе пишуваше за преговорите со Атлетико Мадрид, а денес во италијанските медиуми се појави веста дека Баерн сака да го смени Тиаго Алкантара за Коста.
Зенит се откажа од Власиќ и го сака Рог
Иако долго време беа заинтересирани за играчот на ЦСКА Москва, Никола Влашиќ, актуелниот руски шампион Зенит од Санкт Петербург својот интерес сега го насочи кон Марко Рог. Фудбалерот на Каљари е мета на Зенит затоа што игра на слична позиција и во сличен стил како Влашиќ. Каљари за Рог бараат 25 милиони евра, а тоа е истата сума пари што Зенит беше подготвен да ја плати за Влашиќ.
Мбапе побарал да си замине од ПСЖ
Според британски Сандеј Тајмс, Килијан Мбапе побарал да го напушти ПСЖ следното лето. Договорот на 21-годишниот напаѓач во Париз истекува во 2022 година, а клубот сега одлучува дали ќе го пушти Мбапе бесплатно или ќе побара голема отштета од Реал, Барселона, Манчестер Сити или Манчестер Јунајтед.
Барселона го сака Салах
Пријател на тренерот на Барселона, Роналдо Куман, им открил на холандските новинари дека каталонскиот клуб е заинтересиран да го донесе напаѓачот на Ливерпул, Мохамед Салах. Покрај тоа, се шпекулира дека на Салах му се допаѓа опцијата да се пресели во Шпанија. Сепак, прашањето е колку има вистина во целата приказна, имајќи во предвид дека на платниот список на Барселона е Меси, а според Трансфермаркт, цената на Салах е 120 милиони евра.
Видал утре на медициснки преглед во Интер
Чилеанскиот репрезентативец Артуро Видал е на чекор до трансфер во Интер. Според италијанските и шпанските медиуми, тој утре ќе има лекарски преглед во Интер, по што треба да потпише договор. Видал доаѓа во Италија како слободен играч, а за да успее во тоа тој ќе се откаже од делот од платата што Барселона е должна да му ја исплати.
