Само 2 симптоми ќе ни помогнат да знаеме дали имаме сезонски грип или коронавирус

Два месеца имаме до почетокот на епидемијата на сезонски грип, кој за жал ќе се судри   со новиот коронавирус. Бидејќи и двете болести имаат многу слични симптоми, постојат неколку разлики што ќе ни помогнат да разликуваме кој од овие два вируси сме го „закачиле“.

Симптомите на грип се појавуваат многу брзо и вклучуваат ненадејна треска, болки во телото, чувство на замор и исцрпеност, сува кашлица, воспалено грло и главоболка. Проблеми со спиењето, губењето апетит, дијареја или болки во стомакот, како и чувство на гадење кои се јавуваат со сезонскиот грип, исто така, се поврзани со коронавирусот.
Се поставува прашањето, кои се симптомите со кои ќе го разликуваме коронавирусот од грипот?

Арнолд Монто, епидемиолог на Универзитетот во Мичиген, вели дека еден од начините да се направи разлика е губењето на мирис, иако тоа се јавува и кај двата вируси.
Луѓето со грип или сериозна настинка, исто така, можат да го изгубат чувството за мирис, но разликата е во тоа што кај Ковид-19, губењето на мирис е ненадејно и посилно, и тоа влијае врз можноста да разликуваме слатко од горчливо, а може да се случи без да имаме затнат нос, што не е случај кај грипот.

Уште еден симптом кој може да ни помогне да го разликуваме коронавирусот од сезонскиот грип е проблемот со дишењето. Тоа е вториот симптом, по кој коронавирусот се разликува од сезонскиот грип, покрај губењето на мирис без затнат нос. Чувајте се!