Студијата тврди дека постои трик за побрзо слабеење што не сте го пробале

Губењето килограми сигурно не се наоѓа на списокот на работи што се лесни за правење.
Мотивацијата за вежбање и придржување кон одредена диета обично исчезнува за само неколку дена. Но, една нова студија вели дека постои еден таен трик за слабеење што веројатно не сте го пробале, а докажано е дека покажува резултати: слабеење во пар.

Доказ за тоа доаѓа од студија спроведена од Европското здружение за кардиологија, кое проучува 411 преживеани од срцев удар, кои сакаат да го подобрат својот животен стил. Додека некои се обиделе да се откажат од пушењето, други се посветиле на вежбањето и губењето килограми.

Податоците покажаа дека учесниците кои се обврзале да ја постигнат својата цел во пар, поточно со својот партнер, постигнале многу подобри резултати. Се покажало дека е двојно поголема веројатноста да го смените животот на подобро во барем една област.

„Пациентите кои имаа партнер и кои се приклучија на нивната програма за слабеење, изгубија повеќе килограми во споредба со пациентите чии партнери не се приклучија на програмата“, изјави авторот на студијата Лоте Вервеј, медицинска сестра на Универзитетот за применети науки во Амстердам, Холандија.

Причини за подобрите резултати се добивање поддршка, мотивација, поголема одговорност и распоредување на задачите, како што е подготвување заеднички оброци, пишува „Best Life“.