Хит видео: Девојче се преправа дека и се допаѓа храната

Девојче стана хит на социјалните мрежи после нејзиниот херојски и смешен обид во кој таа сака да ја убеди својата мајка дека нејзината вечера е вкусна. Видеото кое трае 17 секунди ја покажува Пајпер, која има 4 години како јаде, а нејзината мајка ја прашува дали ужива во храната, пишува Мирор.

Додека ја џвака храна, девојчето во еден момент има израз на лицето како да повраќа, а во друг како да ужива. На почетокот на видеото, нејзината мајка Ени Вилкинс ја прашува ‘Како е?’.

Пајпер одговара „Добро“, a нејзиното лице е искривено и се бори со секој залак. 

Мајката го објави видеото на Твитер уште во април, а повторно неодамна го сподели американскиот кошаркар Рекс Чепмен. Видеото е прегледано над седум милиони пати и има повеќе од 192 000 лајкови.

Во оригиналниот пост, Ени Вилкинс откри дека Пајпер на видеото јаде тестенини, а во описот напиша „Мојата ќерка се преправа дека сака шпагети“.

– Ме изненади нејзината реакција затоа што секогаш сакаше шпагети. Сите седевме на масата и јас се свртев и ја видов како се мачи, а во исто време се обидува тоа да го сокрие. Морав да ја снимам затоа што не можев да престанам да се смеам на нејзините изрази на лицето “, изјави мајката на Пајпер, Ени.

Погледнете го видеото: