Финските научници откриле лек против мамурлак

Од Финска ни пристигнуваат убави вести – тамошните научници објавија дека откриле лек против мамурлак.

Нова студија од Универзитетот во Хелсинки покажа дека аминокиселината Л-цистеин би можела да биде клучна за ублажување на симптомите на мамурлак. Во студијата учествувале 19 мажи, волонтери, кои го пиеле финскиот традиционален алкохолен пијалок Коскенорва измешан со сок од брусница. Бројот на пијалоци се пресметувал според нивната телесна тежина.

Потоа, секој од нив добил таблета, половина од нив плацебо, а половина таблета чист   Л-цистеин од1200 мг. Оние кои пиеле Л-цистеин имале значително помалку изразени симптоми на мамурлак – главоболка, гадење и чувство на вознемиреност.

Изразениот мамурлак честопати e причина за повторно пиење алкохол следниот ден. Научниците веруваат дека оваа таблета може да го намали процентот на алкохолизам во земјата. Студијата е објавена во магазинот со интересно име – Алкохол и алкохолизам.

Извор: punkufer.hr